الدرس الخامس " تابع صندوق أدوات الفوتوشوب "

المجموعة الثانية من الأدوات

- أدوات الرسم - أدوات التلوين -







-1- أداة الفرشاة Brush
بتسمح لك بتلوين أى مساحة بنفس لون المقدمة بتاعك
بتختار الاداة وتحركها على الملف وتلون بيها الجزء الى انت تحبة من الصورة
و موجود كمان مجموعه كبيرة من الفرش بمختلف الأشكال و الأحجام
بتمكنك من رسم أشكال زى نجوم أو قلوب وأشكال تانية كتير



روح على المكان الى بيشير له السهم و أضغط هتتفتح قائمة منسدلة
فيها كل فرش البرنامج بتختار منها بمجرد الضغط على الشكل
وبعدين تروح على ملف العمل واضغط هتلائى اترسم الشكل الى
انت اخترته

فى القائمة المنسدلة الخاصة بالفرش هتلائى مسطرة أفقية
حركها دى الى بتتحكم فى حجم الفرشة
بتديك الشكل كبير أو متوسط أو صغير حسب زوقك


-2- أداة القلم الرصاص Pencil
وهى مختفية تحت أداة الفرشاة - بس اضغط على الأداة الظاهرة
بتتفتح قائمة منسدله فيها الأداة الثانية المختفية
هى أداة للرسم الحر بتع** حركة الماوس
أكنك ماسك قلم وبتحركة على ورقة وحسب حركة الماوس بتترسم
خطوط بنفس لون المقدمة

بتروح على صندوق الأدوات وتنقر على الأداة
لاحظ فى شريط الأدوات بتاعنا ظهرت أداة القلم الرصاص بدل من أداة الفرشاة
بنفس الطريقة اضغط على السهم و افتح القائمة المنسدله
و اختار شكل القلم و حجمة رفيع أو تخين على حسب رغبتك
بعد كده روح على ملف العمل وحرك الماوس هتلائى خطوط بنفس لون
المقدمة الى انت مختاره


-1- أداة الدلو Paint Bucket
تستخدم لتلوين مساحة بلون - طبعا بيكون لون المقدمة الموجود فى صندوق
الأدوات -

روح على الأداة و أنقر عليها بعدين روح على ملف العمل و أضغط بالأداة مرة واحدة بس
هتلائى خلفية الملف اتلونت كلها باللون الجديد الى انت حطيته كلون للمقدمة


-2- أداة التدريج Gradient

- وتكون مختفية تحت أداة الدلو -

نعرف الأول يعنى اية تدريج :
يعنى نلون الخلفية بتاعتنا بمزيج من لون المقدمة و لون الخلفية
والأداة دى مقسمة الى 5 أدوات لأشكال مختلفة من التدريجات


1- الأول التدريج الخطى linear gradient
اختار الأداة وبعدين بتيجى على الحافة اليسرى للصورة وبتتحرك بالأداة فى اتجاة اليمين وبعد كده تطلق الماوس
هتلاحظ ان الخلفية بتاعتك اتلونت بلون المقدمة والنص الآخر بلون الخلفية

2- الثانى التدريج الدائرى radial gradient
اختار الأداة وبعدين بتيجى على منتصف الصورة وتنقر بالأداة
وتبدأ تسحبها فى اتجاه احد الحواف وبعد كده تطلق الماوس


3- الثالث التدريج **اوية angle gradient
اختار الأداة انقر فى منتصف الصورة و اسحب فى اتجاة احد الأركان ثم
اطلق الماوس


4- الرابع التدريج ال reflected gradient
بتيجى على الصورة و اتخيل انها مقسمة الى ثلاث اجزاء متساويين
تنقر بالماوس على بعد ثلث المسافة من الجهة العلوية
و تطلق الماوس على بعد ثلثى المسافة من الجهة العلوية


5- الخامس التدريج الماسى diamond gradient
بتيجى على نص الصورة وتنقر بالماوس
وتسحب فى اتجاة الركن السفلى الأيمن و بعد كده تطلق الماوس

كدة احنا خلصنا أدوات التلوين و الرسم