صينية التونه اللذيذه

المقادير :

- تونه ( على حسب حجم الصينيه يعني لو صغيره علبه وحده و لو كبيره علبتين )

- ملح ( حسب الرغبه )

- فلفل أسود ( أيضاً حسب الرغبه )

- بصله وحده مقطعه إلى قطع مربعه صغيره

- نصف كوب بقدونس ( أنا ما استخدمته )

- توست ( على حسب الصينيه و في الطريقة بنشوف كم نحتاج )

- أربع ملاعق أكل كبيره من الجبن السائل " مثل كرافت "

- ملعقتين أكل كبار مايونيز

- علبة قشطة كامله

- كوب طماطم مقطع إلى قطع مربعه صغيره

- شوية زيت


الطريقة :

أول شي نضيف الــ 4 ملاعق الجبن السائل + ملعقتين المايونيز + القشطه و نخلطهم مع بعض لحد ما تصير الخلطه عندنا مثل الصورة



و بعدين ناخذ شوية من هالسائل و ندهن فيه الصينية البايركس



بعدين نجيب خبز التوست اللي نكون حمصناه على الخفيف يكون هذا شكله بعد التحميص



و بعدين ناخذه و نصفه فوق طبقة السائل اللي دهناها على الصينيه و بعدين نبدا نحط عليه من الخلطه اللي هي عبارة عن القشطه و الجبن و المايوني



و نحط عليه طبعاً كله بس انا كان عندي فراغات في الصينيه بخصوص التوست و طبعاً سديت الفراغات لانه الصينيه ما كانت مستطيله



و بعدين نجيب التونه اللي نكون خلطنا معاها الزيت و كل الأشياء الثانيه من بقدونس و بصل و ملح و فلفل أسود و طماطم ما عدا الجبن المبشور



و نحط التونه فوق الطبقة الأخيره اللي سويناها بهذا الشكل



و بعدين نغطي طبقة التونه بالجبن المبشور بهذا الشكل



و بعدين نحط فوقة طبقة ثانيه من الخبز التوست بهذا الشكل



ندهن طبقة التوست بخلطة المايونيز + الجبن + القشطه



و بعدين نحط طبقة جبن مبشور



و بعدين ندخله في الفرن لحد ما يذوب الجب



و هذا شكله بعد ما طلعناه من الفرن و بعد ما ذاب الجبن



و هذا بعد ما قطعناه يطلع بهالشكل يعني هذا الشكل النهائي




بالعافيه ..

منقول